Peter Yan Merab Dvalişviliyə yenilib

Bu gün Las-Veqasda (ABŞ) qarışıq döyüş növləri üzrə “UFC Fight Night 221” turniri keçirilib.

Allsport.az xəbər verir ki, turnirin əsas yarışında ən yüngül divizionda (61 kq-a qədər) keçmiş titul sahibi, rusiyalı Peter Yan gürcüstanlı Merab Dvalişvili ilə qarşılaşıb.

Döyüş 5 raund davam edib və Dvalişvilinin qələbəsi ilə yekunlaşıb.

Beləliklə, Peter Yan ardıcıl 3-cü məğlubiyyətini alıb. Ümumilikdə onun qarışıq döyüş növləri üzrə 16 qələbəsi və 5 məğlubiyyəti var. Dvalişvili MMA-da 15-ci qələbəsini qazanıb. Onun da 4 məğlubiyyəti var.