Premyer liqada yubiley qolu

“Sabah” ölkə çempionatlarında 250-ci qolu vurub. Allsport.az saytı xəbər verir ki, 7-ci turda Bakı derbisində “bayquşlar” səfərdə “Səbail”ə 4:2 qalib gəlib.

Matçda sonuncu qol qonaqlar üçün yubiley xarakteri daşıyıb. Bu topu Pavol Şafranko 11-metrlik cərimə zərbəsindən vurub.

“Sabah” 250-ci qolu 183-cü oyunda vurub. Paytaxt təmsilçisinin ilk qolunu 2018-ci il avqustun 12-də Marko Deviç vurub. O, “Keşlə” ilə səfər qarşılaşmasında penaltidən sevinib və komandası 1:0 qalib gəlib.