“Qəbələ” – APOEL görüşünü o idarə edəcək

24 oktyabrda gənclər liqasında “Qəbələ” – APOEL (Kipr) oyununa təyinatlar bilinib. Allsport.az saytı xəbər verir ki, baş hakimi ukraynalı Denis Şurman olacaq. Ona həmyerliləri Valentin Kutsev və Vladimir Korotin laynsman, azərbaycanlı Vüqar Həsənli 4-cü hakim qismində kömək edəcəklər. 

AFFA hakimlər komitəsinin sədri Fritz Ştuxlik hakim-inspektor, israilli Əmir Navon UEFA nümayəndəsi qismində Qəbələyə yollanacaqlar. Bu komandalar arasında ilk görüşdə qalib müəyyənləşməyib – 1:1.