“Qəbələ” idman mediasını MMA akademiyasına dəvət etdi. Bu dəfə yazmağa deyil, yarışmaya

“Qəbələ” idman klubunun təşkilatçılığı ilə dövlət Bayraq günü münasibətilə Baku MMA Academy-də jurnalistlər arasında üçnövçülük üzrə (pəhləvan daşı saxlama, maneələr üzərindən tullanma, baykkalori) idman yarışı keçirilib.

Allsport.az xəbər verir ki, maraqlı və gərgin mübarizə şəraitində keçən yarışda ən yaxşı nəticəni rekord.az saytının redaktoru Anar Xanlarov göstərib və birinci yerə sahib çıxıb. Lider TV-nin əməkdaşı Rövşən Əhlimanoğlu ikinci, futbolpress.az saytının baş redaktoru Elçin Cəlilov isə üçüncü olub. Futbolxeber.az saytının baş redaktoru İbrahim Cəfərov isə yarışın xüsusi mükafatına layiq görülüb. Sonda qaliblərə hədiyyələr təqdim olunub.