”Qəbələ”də kamerunlu müdafiəçi

“Qəbələ” heyətini yeni futbolçu ilə gücləndirib.

Allsport.az xəbər verir ki, “qırmızı-qaralar” Jando Füşü transfer edib.

27 yaşlı müdafiəçi ilə 1 illik müqavilə imzalanıb.

Füş son olaraq İsrailin “Bney Sahnin” klubunda çıxış edib. O, karyerası ərzində Fransada “Soşo”, İspaniyada “Alaves”, İsraildə “Makkabi Hayfa”, eləcə də Şotlandiyanın “Dandi Yunayted” komandalarında da oynayıb. Füş Kamerun millisinin heyətində 2 oyun keçirib.