“Qəbələ”də qanalı müdafiəçi

Yeni mövsümün transfer çalışmalarını davam etdirən “Qəbələ” heyətinə daha bir futbolçu qatıb. Allsport.az saytı xəbər verir ki, qanalı mərkəz müdafiəçisi İsaak Amoah ilə 1+1 illik müqavilə imzalanıb.

24 yaşlı futbolçunun son klubu ötən mövsümün 2-ci yarısında İspaniyanın 3-cü liqa təmsilçisi “Atletiko Sanlukenyo” olub.

O, İspaniyada “Valyadolid”in U-19 və əvəzedici komandaları, həmçinin “Algesiras”, “Tarazona”, Polşada “Poqon Siedlse” klublarında da çıxış edib.