“Qəbələ”nin qrup oyunlarının təqvimi dəqiqləşdi

“Qəbələ”nin UEFA Avropa Liqasının qrup mərhələsindəki oyunlarının təqvimi müəyyənləşib. Allsport.az xəbər verir ki, bu gün Monakoda keçirilən püşkatmanın nəticələrinə əsasən C qrupunda yer alan “qırmızı-qaralar” avrokubokların əsas mərhələsində debütünü evdə gerçəkləşdirəcək.

Komandamız sentyabrın 17-də Yunanıstan PAOK-unu qəbul edəcək. 2 həftə sonra Rusiyada “Krasnodar”ın qonağı olacaq “Qəbələ” ardınca Dortmund “Borussiya”sı ilə ardıcıl 2 matçda qüvvəsini sınayacaq. V turda Yunanıstana yollanacaq Roman Qriqorçukun çalışdırdığı komanda mərhələni krasnodarlılarla ev oyunu ilə tamamlayacaq.

UEFA Avropa Liqası
Qrup mərhələsi
C qrupu

I tur, 17 sentyabr
“Qəbələ” – PAOK (Yunanıstan)

II tur, 1 oktaybr
“Krasnodar” (Rusiya) – “Qəbələ”

III tur, 22 oktyabr
“Qəbələ” – “Borussiya” (Dortmund, Almaniya)

IV tur, 5 noyabr
“Borussiya” (Dortmund, Almaniya) – “Qəbələ”

V tur, 26 noyabr
PAOK (Yunanıstan) – “Qəbələ”

VI tur, 10 dekabr
“Qəbələ” – “Krasnodar” (Rusiya)