PAOK Bakı səfəri öncəsi darmadağına sevindi

Yunanıstan çempionatında 3-cü turun oyunları keçirilib. Allsport.az xəbər verir ki, Avropa Liqasının qrup mərhələsində “Qəbələ”nin rəqibi olan PAOK da növbəti matçına çıxıb.

Sözügedən klub səfərdə “Veria” ilə qarşılaşıb. Matç “Qəbələ”nin rəqibinin 3:0 hesablı qələbəsi ilə başa çatıb. Geridə qalan 3 turda 4 xal toplamış PAOK hazırda 16 klub arasında 4-cüdür.

Maraq üçün onu da xatırladaq ki, “Qəbələ” Avroliqanın qrup mərhələsindəki ilk matçını məhz PAOK-a qarşı keçirəcək. Bu görüş sentyabrın 17-də keçiriləcək.