“Qəbələ”nin rəqibləri bərabərə qaldılar

Avropa Liqasının qrup mərhələsinin üçüncü turunun oyunları keçirilib. Allsport.az xəbər verir ki, “Qəbələ”nin yer aldığı C qrupunda da bir görüş baş tutub.

Təmsilçimizin doğma meydanda Almaniyanın “Borussiya” (Dortmund) klubuna 1:3 hesabıyla uduzduğu gecədə Yunanıstan PAOK-u doğma meydanda Rusiya “Krasnodar”ı ilə üz-üzə gəlib. Bu matçda qalib müəyyənləşməyib – 0:0.

Qeyd edək ki, bu nəticələrdən sonra C qrupunda “Borussiya” 7 xalla 1-ci, “Krasnodar” 4 xalla 2-cidir. PAOK-un 2, “Qəbələ”nin 1 xalı var.