Qadınlar üçün təlim təşkil olunub

Gənclər və idman nazirliyinin “İdman hamı üçün” layihəsi çərçivəsində mayın 27-də xanımlar üçün özünümüdafiə təlimi keçirilib.

Allsport.az xəbər verir ki, Bakı konqres mərkəzinin ərazisində baş tutan təlimdə çox sayda xanım iştirak edib.

Tədbirə bütün yaş qruplarından olan xanımlar qoşularaq, idman mütəxəssislərinin rəhbərliyi altında təhlükə vəziyyətində özünü müdafiə etmək bacarığı, rəqibin hərəkəti ilə uzlaşan və onu tamamlayan hərəkətləri yerinə yetirib, fəndlər haqqında müxtəlif məlumatlar öyrəniblər.