“Qalib gəldiyimiz üçün çox şadıq”

Azərbaycan premyer liqasının XIV turunun “Neftçi” – “Zirə” oyunundan (2:1) sonra meydan sahibi komandanın baş məşqçisi Samir Abbasov jurnalistlərin suallarını cavablandırıb.

Allsport.az xəbər verir ki, Abbasov oyun haqda bunu deyib:

“Futbolçularımı təbrik edirəm. Matçdan yaxşı əhval-ruhiyyə ilə çıxırıq. Ciddi və yaxşı rəqibə qarşı oynadıq. Qələbələrə çox ehtiyacımız var. Qalib gəldiyimiz üçün çox şadıq. Faiz dərəcəsi ilə götürsək, bu gün istək oyun sistemindən öndə idi. Futbolçular da bir-birinə motivasiya verirdilər. Dinamik və oyuna diqtə edən komanda olmalıyıq. Bu istək olmasa, işləyə bilməyəcəyik. Qələbənin açarı istək idi. Bu vaxta kimi bunun da əziyətini çəkirdik”.