“Qarabağ” Avropada 11-ci oldu

Avropa Liqasının 2015/16 mövsümündə ev oyunlarına ən çox azarkeş toplamış klubların siyahısı açıqlanıb. Allsport.az xəbər verir ki, bu siyahıya Azərbaycan çempionu “Qarabağ” da düşüb.

Ağdam klubu 11-ci sırada qərarlaşıb. Ağdamlılar ev oyunlarını keçirdiyi Tofiq Bəhramov adına Respublika stadionuna orta hesabla 27 600 azarkeş toplayır.

Sözügedən siyahıya Avroliqadakı digər təmsilçimiz “Qəbələ” ilə bir qrupda (“C”) yer alan Almaniyanın “Borussiya” (Dortmund) klubu başçılıq edir. Bu komandanın ev oyunlarını keçirdiyi “Siqnal İduna Park”a orta hesabla hər oyunda 56 105 azarkeş toplaşır.