“Qarabağ” kiçik Romeronu da transfer edib

“Qarabağ” əvəzedici komandası üçün heyətinə legionçu qatıb. Allsport.az saytı xəbər verir ki, Ağdam klubu bu yay transfer etdiyi Xayme Romeronun qardaşı Daniel ilə anlaşıb. 23 yaşlı hücumçu “Qarabağ-2”də çıxış edəcək.

Kiçik Romero “köhlən atlılar”ın 1-ci divizionun 3-cü turu çərçivəsində “Zirə” ilə qarşılaşdığı oyunu (7:1) ehtiyat skamyasından izləyib.

“Qarabağ” Xayme Romeronu İspaniyanın “Kordoba” klubundan transfer edib. 29 yaşlı futbolçu ilə 3 illik müqavilə imzalanıb.