“Qarabağ” – “Partizani” görüşü moldovalılara tapşırılıb

Çempionlar liqasının 1-ci təsnifatının cavab oyununda “Qarabağ” – “Partizani” (Albaniya) matçının hakimləri bilinib.

Allsport.az saytı xəbər verir ki, görüşü moldovalılar idarə edəcək. Baş hakim Dumitru Munteandır. Ona Vladislav Lifçiu və Andrey Bodean kömək edəcəklər. 4-cü hakim funksiyasını Aleksandru Tean yerinə yetirəcək.

“Qarabağ” – “Partizani” oyunu iyulun 17-də “Dalğa Arena”da keçiriləcək. Komandalar arasında keçirilən ilk görüş qolsuz bərabərliklə başa çatıb.

Xatırladaq ki, görüş iyulun 17-də “Dalğa arena”da saat 21:00-dabaşlayacaq. Tiranada ilk oyun 0:0 nəticələnib.