“Qarabağ” qanalı hücumçunun transferini 1 milyona tamamlayır

Portuqaliyanın “Vitoriya” klubunun hücumçusu Abdul-Əziz Yakubu “Qarabağ”la danışıqları yekunlaşdırmaq üçün Avstriyaya yollanıb. Allsport.az “O Jogo” nəşrinə istinadla xəbər verir ki, qanalı hücumçu ilə müqavilənin son detalları müzakirə eidləcək.

Onunla ilkin olaraq 4 illik anlaşma əldə edilib. Ağdam klubu bu transfer üçün 1 milyon avroya yaxın təzminat ödəyəcək.

22 yaşlı hücumçu ötən mövsümü icarə əsasında Portuqaliyanın “Eştoril” klubuna keçirib. Yakubu 34 oyunda 15 qol vuraraq komandanın Premyer Liqaya yüksəlməsində pay sahibi olub.