“Qarabağ” və “Qalatasaray” klublarının rəhbərləri bu dəfə İstanbulda bir araya gəlib

Allsport.az saytı xəbər verir ki, NEF stadionunda baş tutan toplantıda Ağdam komandasından direktor Əmrah Çəlikəl, baş menecer Asif Əsgərov, marketinq və PR departamentinin rəhbəri Yusif Cəfərov, Beynəlxalq münasibətlər üzrə menecer Vüsal Həsənov; “sarı-qırmızılar”ın prezidenti Dursun Özbəy, idarə heyətinin üzvü Emin İmanov və klubun digər məsul əməkdaşları iştirak ediblər.

Azərbaycan tərəfi “Qalatasaray”ın bazası və akademiyası ilə tanış olub, fikir mübadiləsi aparıblar. Görüşdə klubların birgə əməkdaşlığı ilə bağlı gələcək planlar da müzakirə olunub.

Xatırladaq ki, 26 martda bu komandalar arasında Bakı olimpiya stadionunda xeyriyyə matçı keçirilib. Görüş 2:1 qardaş ölkəni təmsil edən klubun xeyrinə bitib.