”Qarabağ”dan mövsümün rekordu

Azərbaycan premyer liqasında 2025/26 mövsümünün ən böyükhesablı qələbəsi qeydə alınıb.

Allsport.az xəbər verir ki, bu, XXIII tura təsadüf edib.

“Qarabağ” “Araz-Naxçıvan”la qarşılaşmada qonaqların qapısından 6 cavabsız top keçirib. Cari mövsümdə ilk dəfə bir komanda altı top fərqi ilə qalib gəlib. Ağdam klubu həm də mövsümdə bir oyunda 6 qol vuran ilk komanda olub.

Bunadək mövsümün rekordu 5:0-a bərabər idi. 2025-ci il avqustun 30-da “Zirə” evdə “Kəpəz”ə, sentyabrın 21-də “Qarabağ” səfərdə “Araz-Naxçıvan”a 5 cavabsız qol vurub.