“Qarabağ”ın gəncləri “Benfika”ya uduzdu

UEFA gənclər liqasının əsas mərhələsinə start verilib.

Allsport.az xəbər verir ki, “Qarabağ”ın U-19 komandası I turun matçına çıxıb.

Rəşad Sadiqovun baş məşqçisi olduğu komanda Portuqaliya təmsilçisi “Benfika” ilə qarşılaşıb. Görüş Lissabon klubunun təlim-məşq bazasında keçirilib.

Dörd dəfə turnirin finalına çıxmaqla gənclər liqasının şərikli rekordçusu olan Portuqaliya klubu bu görüşdən qalib ayrılıb. Lissabon təmsilçisi 7:1 hesabı ilə qalib gəlib. Komandamızın heyətində Əli Qazıbəyov fərqlənib.

“Qarabağ” növbəti oyununu oktyabrın 1-də Bakıda “Kopenhagen”ə qarşı keçirəcək.