“Qarabağ”ın mətbuat konfransında fransalı jurnalistlərdən təxribatçı suallar

Sabah “Qarabağ” Avropa liqasının əsas mərhələsinin 5-ci turunda evdə Fransanın “Lion” klubu ilə üz-üzə geləcək. Allsport.az saytının məlumatına görə, bu gün Tofiq Bəhramov adına respublika stadionunda mətbuat konfransında komandamızın futbolçusu Yasin Benziaya qonaq jurnalistlər təxribatçı sual verdilər.

İlk media mənsubu soruşdu ki, “Qarabağ” sənin üçün nə deməkdir. Ardınca digəri bunun daha izahlı şəkildə cavablandırılmasını istədi: “Fransa liqasında böyük klublar qarşı çıxışdan sonra “Qarabağ”da oynamaq sənə nə əhəmiyyət kəsb edir”.

Yarımmüdafiəçimiz, burada xoşbəxt olduğunu söylədi. Bildirdi ki, komandası müharibə zamanı öz yerindən didərgin düşüb və Bakıda yerləşmək məcburiyyətində qalıb. “Qarabağ” mənim üçün xüsusi mahiyyət daşıyır.