“Qarabağ”la “Zirə” heç-heçəyə razılaşdı

“Qarabağ”la “Zirə” Azərbaycan premyer liqasının IV tur oyununda qarşılaşıb.

Allsport.az əbər verir ki, “Azersun Arena”da keçirilən matç 1:1 hesabı ilə başa çatıb.

Görüşdə hesabı qonaqların futbolçusu Ruan Renato açıb. O, 39-cu dəqiqədə penaltidən fərqlənib.

Kadi Borges isə 82-ci dəqiqədə hesabı bərabərləşdirib.

Bununla da “Zirə” xallarının sayını 8-ə çatdıraraq ikinci pilləyə yüksəlib. “Qarabağ” 4 xalla 5-cidir.

Turun ilk oyununda “Araz-Naxçıvan” səfərdə “Kəpəz”i 2:0 hesabı ilə üstələyib.