Qazaxıstanla fərq azalıb

Avropa liqasının 2-ci təsnifatının cavab oyunlarından sonra UEFA-nın yeni reytinqi açıqlanıb. Allsport.az saytı xəbər verir ki, “Neftçi”nin ötən gün Bakıda Rusiyanın “Arsenal” klubunu məğlub etməsi (3:0) ölkəmizə 0,250 xal qazandırıb.

Azərbaycan son 5 mövsümdəki xallarını 17,125-ə çatdırıb və 26-cı sıradakı mövqeyini qoruyub. 25-ci pillədə Qazaxıstanın 18.000 xalı var. Bu ölkənin qitə yarışlarında cəmi bir komandası qalıb.