“Qızıl top”un favoritləri

“Score 90” nəşrinin yenilənmiş proqnozunda “Qızıl top” mükafatının əsas favoritləri arasında yer dəyişikliyi olub.

Allsport.az xəbər verir ki, ilk iki yer dəyişməz qalıb: Kilyan Mbappe birinci, Erlinq Holand isə ikinci pillədədir.

Əsas dəyişiklik üçüncü pillədə baş verib. Belə ki, “Arsenal”ın lideri Deklan Rays “Bavarıya”nın hücumçusu Harri Keyni geridə qoyaraq üçüncü yerə yüksəlib.

Zədə səbəbindən çıxışı zəifləyən Lamin Yamal (“Barselona”) da siyahıda geriləyib.