Qurban Qurbanov püşkü dəyərləndirdi

Ardıcıl ikinci mövsüm Avropa Liqasının qrup mərhələsində çıxış edəcək “Qarabağ”ın baş məşqçisi Qurban Qurbanov “Monako” (Fransa), “Anderlext” (Belçika), “Tottenhem”lə (İngiltərə) bir qrupa düşmələrinə münasibət bildirib. Allsport.az xəbər verir ki, o, püşkdən sonra klub saytına bunları söyləyib:

“Rəqiblər haqqında deyə bilərəm ki, hər birinin dünya futbolunda yeri bəllidir. Qismətimizdə bu rəqiblərlə qarşılaşmaq var imiş. Belə rəqiblərlə qarşılaşmaq, onların Bakıya gəlməsi həm komanda, həm də azarkeşlər üçün maraqlı olacaq. Belə komandalar eyni zamanda ölkə futbolunda yeni marağın yaranmasına səbəb olacaq”.