Radik İsayev də Rio-2016-ya vəsiqə qazandı!

Rio Yay Olimpiya Oyunlarına növbəti lisenziya qazanılıb. Allsport.az saytı xəbər verir ki, bu uğura taekvondoçulardan ibarət milli komandamızın üzvü Radik İsayev (+80 kq) yetişib.

Dünya və Avropa çempionumuz bu vəsiqəni Meksikanın paytaxtı təşkil olunan qran-pri turnirində yığdığı reytinq xalı sayəsində təmin edib.

Mexikoda mübarizə aparan dayanq ustamız 1/4 finalda məğlub olsa da, dünya reytinq siyahısında 3-cü pillədə yerini qoruyub. Bununla da təmsilçimiz Rio-2016-da iştirakını təmin edib. Mexikodakı turnirdə hər çəki dərəcəsində 8 ən güclü idmançı iştirak edib.

Beləliklə, ölkəmiz “dördillik”də iştirak üçün lisenziya sayını 28-ə çatdırıb.