Roberto Bordin: Fasilənin xeyrimizə olacağını düşünürəm

Bu gün premyer liqanın 7-ci turunda “Neftçi” öz meydanında ” Səbail”ə 2:1 qalib gəldi. Allsport.az saytı xəbər verir ki, matçdan sonra mətbuat konfransında “ağ-qaralar”ın baş məşqçisi Roberto Bordin qələbəyə belə şərh verdi:

“Yaxşı oyun oldu. Hər şeyi standart vəziyyətlərə bağlamaq düzgün deyil. Hər cəhətdən üstün idik. 3-cü qolu vursaydıq, daha rahat olardıq.

Ardıcıl qələbələr komandanın psixoloji durumunu düzəldib. Fasilədə daha toparlanacağıq. Düzdür, milli komandalarda olmayanların xidmətindən istifadə edə bilməyəcəyəm. Amma imkan daxilində fasilədən yararlanmağa çalışacağıq”.