Ronaldu “Əl Nəsr”in baş məşqçisinin istefaya göndərilməsinə münasibət bildirib

Allsport.az xəbər verir ki, “Əl Nəsr” Rudi Qarsiyanın komandanın baş məşqçisi vəzifəsindən istefaya göndərildiyini rəsmi şəkildə açıqlayıb . Sosial şəbəkələrdə Səudiyyə Ərəbistanı təmsilçisinin ulduz futbolçusu Kriştianu Ronaldu klubun bu qərarına reaksiya verib. 38 yaşlı hücumçu Qarsiya ilə fotosunu paylaşıb və yazıb:

“Sizinlə işləmək çox xoş idi. Sizə gələcək üçün ən yaxşısını arzulayıram”.

Rudi 29 iyun 2022-ci ildə “Əl Nəsr”ə baş məşqçi təyin olunmuşdu. Qarsiyanın rəhbərliyi altında komanda Səudiyyə Ərəbistanı liqasında 23 oyunda 53 xal toplayıb və və lider “Əl İttihad”dan 3 xal geri qalır.