Ronaldu 800-ə çatdı

Səudiyyə Ərəbistanı liqasının sonuncu – XXXIV turunda “Əl-Nəsr” “Əl-Fateh”ə uduzub.

Allsport.az xəbər verir ki, “Əl-Fateh” stadionunda keçirilən görüş 3:2 hesabı ilə meydan sahiblərinin qələbəsi ilə bitib.

Qonaqların qollarını Kriştianu Ronaldu və Sadio Mane vurub. Bu, portuqaliyalı ulduzun “Əl-Nəsr”də 100-cü, klub səviyyəsində isə 800-cü qolu olub.

Ronaldu həmçinin 25 qolla çempionatın bombardiri adına yiyələnib.