“Səbail” yoluna məğlubiyyətsiz davam edir

Bu gün I liqada 5-ci tur start götürüb.

Allsport.az xəbər verir ki, turun ilk qarşılaşması “ASCO Arena”da “Səbail” ilə “Zaqatala” kollektivləri arasında baş tutub.

Elvin Məmmədovun rəhbərlik etdiyi komanda Kamran Quliyevin 84-cü dəqiqədə vurduğu yeganə qolla 1:0 hesablı qələbə qazanıb.

“Dənizçilər” 5 turdan sonra 4 qələbə və 1 heç-heçəlik nəticə ilə aktivinə 13 xal yazdırıb. Komanda 6-cı turda liqadakı əsas rəqibi olan “Şəfa”nın qonağı olacaq. Oktyabrın 23-də Binə qəsəbə stadionunda keçiriləcək qarşılaşma saat 14:00-da start götürəcək.