Səbinə Əzimova növbəti hədəfini açıqlayıb

Qadın ağırlıqqaldıranların ölkə çempionatında Sinkleyr cədvəlinə əsasən rəqabətdə 1-ci yeri bu dəfə də Səbinə Əzimova tutub. Allsport.az saytı xəbər verir ki, o, toplam 154 kq (67+87) nəticə göstərib və 231.6 xal qazanıb. Gənc idmançının növbəti hədəfi öz yaş qrupunda Avropa birinciliyində qalib gəlməkdir:

“Yarışda ilk pillənin sahibi oldum, 2-ci və 3-cü yerə çıxan rəqiblərimə qarşıdakı yarışlarda bol uğurlar arzu edirəm, öz məşqçilərimə isə təşəkkürümü bildirirəm. Bizi gənclər arasında Avropa çempionatı var və ən böyük arzum da həmin çempionatda qızıl medalı qazanmağımdır”.