Səmti müəyyən edənlərimiz Moldovadan medalla qayıdıblar

Kişinyovda səmti müəyyən etmə üzrə “Moldovian Masters Orienteering Cup” adlı beynəlxalq yarış keçirilib. Allsport.az saytı xəbər verir ki, tədbirdə millimiz uğurlu çıxış edib. W21A kateqoriyasında Rəna Abbaszadə qızıl medal, M35-də Xəyyam Məmmədov 3-cü yer tutub.

Sonda mükafatlandırma mərasimində çıxış edən federasiyanın vitse-prezidenti Pərvin Şərifov təşkilatçılara öz təşəkkürünü bildirib və iştirakçıları gələn ilin may ayında ölkəmizdə keçiriləcək Heydər Əliyevin xatirəsinə beynəlxalq kubok yarışına dəvət edib.