“Sabah” son dəqiqə qolu ilə uduzdu

“Sabah” və Bolqarıstanın “Levski” komandaları arasında keçirilən konfrans liqasının III təsnifat mərhələsinin ilk oyunu başa çatıb.

Allsport.az xəbər verir ki, Sofiyadakı “Georgi Asparuxov” stadionunda təşkil olunan görüşdə meydan sahibi komanda qələbə qazanıb – 1:0.

Matçda yeganə qolu 90+9-cu dəqiqədə Borislav Ropanov vurub.

“Sabah” və “Levski” arasında cavab matçı avqustun 14-də Əlincə stadionunda keçiriləcək.