“Sabah”dan Bəhlulun durumu ilə bağlı açıqlama

“Sabah” Bəhlul Mustafazadənin vəziyyəti ilə bağlı açıqlama verib. Allsport.az saytı xəbər verir ki, komandamız “Əl-Əyn”dən bu futbolçunun keçidi ilə əlaqədar transfer müqaviləsinin ləğv edilməsi ilə bağlı məktub alıb.

Müdafiəçidən imtina, transfer reallaşdıqdan 18 gün sonra edilib. Belədə, futbolçunun “Sabah”la müqaviləsi artıq ləğv olunmuş hesab edilirdi.

Bizimkilər məsələ ilə bağlı BƏƏ klununa qarşı maliyyə və intizam cəzaları tələbi ilə FİFA-ya müraciət etməyə hazırlaşır. Bəhlulun statusuna gəldikdə isə, futbolçu hazırda azad agentdir.