Samir Abbasov: Bəzi futbolçular sərt mübarizədən qaçırdı

“Zirə” premyer liqanın 6-cı turunda rəqib meydanında “Keşlə”yə 0:2 uduzub. Allsport.az saytı xəbər verir ki, mətbuat konfransında qonaq komandanın baş məşqçisi Samir Abbasov bunu deyib:

“Oyunun aqressiv şəkildə gedəcəyi ilk dəqiqələrdən aydın. Rəqibi təbrik edirəm. Bu mübarizədə onlara uduzduq. Daha çox aqressiv olan tərəf qalib gəldi. Məhz bu komponentdə rəqibə uduzduq. Bəzi futbolçularımız sərt mübarizədən qaçırdı.

Fakt budur ki, məğlub olduq. Günahkar axtarmayacağıq. Bu məğlubiyyətdə hamımızın payı var. Bu cür oyunlar çox olacaq. “Qarabağ” və “Neftçi”də fərdi ustalıq səviyyəsi olan futbolçular çoxdur. Digər rəqiblərlə matçlar isə gərgin keçəcək”.