Semenyo keçidi rəsmiləşir

“Bornmut”un oyunçusu Antuan Semenyo “Mançester Siti”yə transferi öncəsi bu gün tibbi müayinəyə cəlb olunub.

Allsport.az xəbər verir ki, tərəflər arasında 5,5 illik müqavilə imzalanacaq.

“Şəhərlilər” bu transfer üçün 64 milyon funt-sterlinq (62,5 milyon sabit + 1,5 milyon bonus) ödəməyə razılıq veriblər. Ödənişlərin iki il ərzində həyata keçiriləcəyi bildirilir. “Bornmut” həmçinin futbolçunun növbəti satışından 10 faiz pay alacaq.

Bu, “Bornmut” klubunun tarixindəki ən bahalı satışdır.