“Simurq” Lənkərana getmədi, “Neftçi” bürünc medallara sahib çıxdı

Topaz Premyer Liqasında mübarizə aparan klubların əvəzedici heyətlərinin yarışında 2014/2015 mövsümünə yekun vurulub. Allsport.az xəbər verir ki, bu gün keçirilən oyunlardan sonra yarış başa çatıb.

Bu gün iki görüş baş tutub. “Neftçi” AZAL-a, “Bakı” “Qəbələ”yə qalib gəlib.

Son oyun günündə 3 görüşün keçirilməsi nəzərdə tutulsa da, “Xəzər Lənkəran” – “Simurq” görüşü baş tutmayıb. Buna Zaqatala təmsilçisinin maliyyə problemləri ilə əlaqədar Lənkərana getməməsi səbəb olub.

Qeyd edək ki, əvəzedicilərin yarışında “Sumqayıt”ı məğlub edən “İnter” qızıl medallara sahib çıxıb. “Simurq” ikinci olduğu halda, bürünc medalları “Neftçi” qazanıb.

Əvəzedicilərin çempionatı
36-cı tur
27 may

“Neftçi” – AZAL – 2:1
Qollar: Pərviz Qaraxanov, 56. Emil Həsənzadə, 88 – Ruslan Nəsirli, 28.

“Qəbələ” – “Bakı” – 0:1
Qol: Mahir Mədətov, 35.