Spaletti “Yuventus”da qalacaq

“Yuventus” rəhbərliyi baş məşqçi Luçano Spalletti ilə əməkdaşlığı davam etdirmək qərarına gəlib.

Allsport.az xəbər verir ki, tərəflər müqavilənin müddətini 2027-ci ilin yayına qədər uzadacaqlar. Razılaşmada müqavilənin daha bir il (2028-ci ilə qədər) artırılması variantı da nəzərdə tutulub.

Yeni sözləşmənin aprelin 5-nə qədər rəsmiləşəcəyi gözlənilir.

Spalletti ötən ilin oktyabrından Turin klubuna rəhbərlik edir. Hazırda “qoca sinyora” 29 turdan sonra 53 xalla “A” seriyasının turnir cədvəlində 5-ci pillədə qərarlaşıb.