Stend atıcılığı üzrə Bakı kuboku 

Martın 14-16-da Bakı şəhər gənclər və idman idarəsi və Azərbaycan atıcılıq federasiyasının birgə təşkilatçılığı ilə stend atıcılığı idman növü üzrə Bakı kuboku keçiriləcək.

Allsport.az xəbər verir ki, Bakı atıcılıq mərkəzində təşkil olunacaq yarışda qızlar, oğlanlar, qadınlar və kişilər arasında stend atıcılığının dairəvi və səngər stendi növləri üzrə fərdi, həmçinin qarışıq komanda yarışlarında qaliblər bəlli olacaq.

Yarışlarda paytaxt Bakıda fəaliyyət göstərən idman cəmiyyətləri, klubları və məktəbləri iştirak edəcək. Kubokun qarışıq komanda yarışları martın 14-də, fərdi yarışları isə ayın 15-16-də baş tutacaq.