Sumoda 5 güləşçiyə 3 qızıl və 3 gümüş

Estoniyanın Vinni şəhərində Avropa kuboku keçirilib.

Azərbaycan sumo federasiyasının prezidenti Samir Abdullayevin allsport.az saytına verdiyi məlumata görə, yarışda ev sahibləri, Azərbaycan, Polşa, Ukrayna, Almaniya, Norveç, Macarıstanın və İtaliyadan 150-dən çox idmançı mübarizə aparıb. Ölkəmizi 5 nəfər təmsil edib və onların hamısı fərqlənib.

Röyal Ağamalıyev (85 kq), Camal Feyziyev həm mütləq, həm də +115 kq-da qızıl, Sadiq Ağamalıyev (115 kq), Cavid Mustafayev (77 kq) və Xəyyam Abdullayev (70 kq) gümüş medal qazanıblar.

Komanda hesabında Azərbaycan 1-ci, Polşa 2-ci və Ukrayna 3-cü olub.