Sumoçular 5 medalla dönür. Samir Abdullayev yenə Avropa sumo federasiyasına vitse-prezident seçilib

Polşanın Siedlce şəhərində sumo üzrə yeniyetmələr və kadetlər arasında Avropa birinciliyi keçirilib. Allsport.az saytı xəbər verir ki, ASF-in prezidenti Samir Abdullayevin rəhbərliyi ilə ölkəmizi slavyan diyarında 4 idmançı təmsil edib.

Adı ilk çəkilən yaş qrupunda Sabir Qarayev (55 kq) gümüş, Alim Balaşlı və Tamerlan Bağırov (hər ikisi – 60 kq) bürünc medal qazanıblar.

Kadetlərdə Sabir Qarayev 1-ci (55 kq) və Nuhan Müzəffərov (45 kq) 2-ci yer tutublar.

Görüşlərin idarə olunmasında bizdən beynəlxalq dərəcəli hakim Rəsul Həsənov yer alıb.

Avropa sumo federasiyasının konqresində Samir Abdullayev növbəti dəfə 5-llik vitse-prezident vəzifəsinə seçilib.