Ten Haq “Mançester Yunayted”də 50-yə çatıb

Allsport.az xəbər verir ki, Erik ten Haq “Mançester Yunayted”in baş məşqçisi kimi 50-ci oyununu keçirib.

Onun komandası Avropa liqasının 1/4 final mərhələsində “Sevilya” ilə ilk oyununu keçirib. Görüşdə heç-heçə qeydə alınıb – 2:2.

Niderlandlı çalışdırıcının rəhbərliyi altında “qırmızı şeytanlar” 35 dəfə qalib gəlib, 7 dəfə heç-heçə edib, 8 dəfə məğlubiyyətlə üzləşiblər.

“Mançester Yunayted”in növbəti oyunu aprelin 16-da baş tutacaq. Komanda “Nottinqem Forest”lə qarşılaşacaqlar.