“Tez qol buraxdıq”

“Sumqayıt” premyer liqanın 6-cı turunda səfərdə “Şamaxı”ya o:1 uduzub. Allsport.az saytı xəbər verir ki, mətbuat konfransında qonaqların baş məşqçisi Samir Abbasov bunu söyləyib:

“Tez qol buraxdıq. Hesabı bərabərləşdirmək üçün fürsətimiz oldu. Amma yararlana bilmədik. Oyunun sonunda rəqib qapandıqca bizim qol vurmağımız çətinləşdirdi.

Gələcək oyunlara hazırlaşacağıq. Belə period hər komandanın başına gəlir. Keçən il də belə problemlər yaşamışdıq. Çətin anlarda bir az səbrli olmalıyıq”.