Tuxel: “Ağır cəzalandırıldıq”

Allsport.az xəbər verir ki, “Bavariya”nın baş məşqçisi Tomas Tuxel çempionlar liqasının 1/4 finalının ilk oyununda “Mançester Siti”yə məğlub olmaqları (0:3) barədə danışıb. O deyib:

“Nəticə ilə qətiyyən razı deyiləm. Biz daha yaxşı oynamalı idik. Amma ağır cəzalandırıldıq.

Mənə elə gəldi ki, hesab 0:2 olana qədər çox yaxşı oynadıq. Nəticə haqqında danışmaq istəmirəm. 70-ci dəqiqəyə qədər çox yaxşı çıxış gördüm.

İnanıram ki, ən azı 1 qola layiq idik. Futbolçularımızda bir az inam və hazırlıq çatışmırdı.

Təbii ki, nəticə bizim üçün acıdır, amma bu gün komandama, futbolçuların çıxışına aşiq oldum. Qəribə səslənsə də, çox əyləndim”.