U-16 voleybol millisi şərqi Avropa çempionatında iştirak edəcək

Azərbaycanın 16 yaşadək voleybolçu qızlardan ibarət millisi şərqi Avropa voleybol zonal assosiasiyasının (EEVZA) çempionatında iştirak edəcək.

Allsport.az xəbər verir ki, noyabrın 20-23-də Polşada keçiriləcək çempionatda ev sahibləri ilə yanaşı, Azərbaycan, Latviya, Gürcüstan, Ukrayna, Litva və Estoniya mübarizə aparacaq.

“B” qrupunda yer alan millimizin rəqibləri Litva, Ukrayna və Estoniya kollektivləridir.

Yarış AVRO-2025-ə seçmə xarakter daşıyır. Reqlamentə əsasən, çempion qitə birinciliyinin final mərhələsinə vəsiqə qazanacaq.