Üzgüçülükdə əcnəbi baş məşqçi

Allsport.az saytı xəbər verir ki, o, isveçrəli Luka Qabrilodur. 15 ildən artıq təcrübəyə malik mütəxəssis öncə İsveçrə, ABŞ, İsrail, Rumıniya, Çexiya, Filippin və Avstraliyada çalışıb; Avropa və dünya çempionatlarında fərdi idmançılar və yığmalar medallara yiyələnib, olimpiya oyunlarında finallara vəsiqə qazanıb

Peşəkar fəaliyyətinə İsveçrədə başlayan 44 yaşlı məşqçi 2010-2017 illərdə İsveçrə üzgüçülük federasiyası sistemində müxtəlif vəzifələrdə – komanda meneceri, baş məşqçi, Yüksək nəticələr mərkəzinin rəhbəri kimi çalışıb. Sonra İsrail milli komandasının baş məşqçisi və Tokio-2020 olimpiadasında nümayəndə heyətinin rəhbərlərindən biri olub.

O, həmçinin Beynəlxalq üzgüçülük liqasında (ISL) çalışıb və bu müddətdə “Team Iron” komandasının baş məşqçisi olub. Onun rəhbərliyi altında dünyanın müxtəlif ölkələrindən olan 36 yüksək səviyyəli idmançıdan ibarət komanda liqada çıxış edib və bir sıra uğurlara imza atıb.

Bu gün yeni baş məşqçi milli komanda üzvlərinə Azərbaycan üzgüçülük federasiyasının baş katibi Oqtay Atayev tərəfindən təqdim olunub. İdmançılarla görüşdə ASF-nin müşaviri Rəşad Əbdürəhmanov, idman direktoru Pyer Ləfonten və idman meneceri Mehdi Məmmədov iştirak ediblər.