“Xalqın, millətin gözü güləşçilərdədir”

“Bütün xalqın, millətin gözü güləşçilərdədir. Həmişə güləşçilər axıra qalır və gözəl nəticə göstərirlər”.

Allsport.az saytı xəbər verir ki, bu sözü sərbəst güləşçi Hacı Əliyev (65 kq) Tokio oyunları öncəsi deyib. Olimpiya mükafatçısı, 3-qat dünya və 3-qat qitə çempionu yenə uğurla çıxış edəcəklərinə inamını gizlətməyib:

“Olimpiadaya tam heyətlə yollanmasaq da, güclü idmançılarla qatılırıq. Məncə, gözəl nəticə göstərəcəyik. Çünki həqiqətən də çox yaxşı məşqlər etmişik, böyük əziyyət çəkmişik. İnanıram ki, çəkdiyimiz zəhmət yerdə qalmayacaq”.

Tokio-2020-də güləş yarışları 1 – 7 avqustda olacaq.