Xames Rodriqes “Olimpiakos”dan ayrılıb

Allsport.az xəbər verir ki, “Olimpiakos” 31 yaşlı kolumbiyalı yarımmüdafiəçi Xames Rodriqesin klubdan ayrıldığını açıqlayıb. Tərəflər qarşılıqlı razılaşma əsasında müqaviləyə xitam veriblər.

Rodriqes Yunanıstan təmsilçisinə 2022-ci ildə Qətərin “Əl Rayyan” klubundan keçmişdi. Rodriqes həm də “Bavariya”, “Real”, “Monako”, “Portu” və bir sıra digər klublarda da çıxış edib. O, Madrid təmsilçisi ilə 2 dəfə çempionlar liqasının qalibi olub.