Xose Aldo Makqreqordan üzr istəyib

Allsport.az xəbər verir ki, braziliyalı qarışıq döyüş ustası, keçmiş UFC çempionu Xose Aldo həmkarı Konor Makqreqordan üzr istəyib. O deyib:

“Bir az həyəcanlandım. İndicə paltardəyişmə otağında döyüşə yenidən baxdım. Hamı mənim qələbəmdən danışırdı. Sonra müxbir məndən Konorun şərhlərini soruşdu. Mən onun nə dediyini dəqiq görmədim. Mən Konorun adını çəkdim və ona güldüm. Amma Braziliyaya gələndə Makqreqoru səhv başa düşdüyümü anladığım üçün üzr istədim. Konor mənim dostumdur. Ona hər şeyin ən yaxşısını arzulayıram”.

Xose Aldo keçən il qarışıq döyüş sənətlərində karyerasını başa vuraraq peşəkar boksda mübarizə aparmağa başlayıb. 2 döyüşdə braziliyalının 1 qələbəsi və 1 heç-heçəsi var.