Xulen Lopeteqi: Atmosfer bizə çətinlik yaradırdı

“Rəqib öz meydanında oynayırdı. Atmosfer də bizə çətinlik yaradırdı. İstənilən halda, qələbəyə layiq oyun göstərdik. İlk qol hər şeyi dəyişdi və ondan sonra növbəti qolları vurmaq asanlaşdı”

Allsport.az saytı xəbər verir ki, bu sözü “Sevilya”nın baş məşqçisi Xulen Lopeteqi qitə liqasının qrupunun 1-ci turunda Bakıda “Qarabağ”a 3:0 qalib gəldikləri oyundan sonra deyib. Onun fikrincə, qarşı tərəf çalışqan komandadır:

“Təcrübəli komanda olması hiss olunurdu. Çox çalışmış bir komandadır. Gözlədiyim “Qarabağ”ı gördüm. Hər hansı bir futbolçunu qeyd etmək istəməzdim. Komanda şəklində yaxşı bir kollektivə qalib gəldik”.