Yarış zamanı qəza keçirdi, dünyasını dəyişdi

“Tvintreil reysinq” komandası 2024-cü il “Dakar” yarışı zamanı qəzaya uğrayan Karles Falkonun vəfat etdiyini açıqlayıb.

Allsport.az xəbər verir ki, yanvarın 7-də 45 yaşlı kataloniyalı “Əl-Henakiya” və “Əl-Duvadimi” arasında keçirilən yarış zamanı motosikletindən yıxılıb. Ona təcili tibbi yardım göstərilib, sonra vertolyotla xəstəxanaya çatdırılıb. Orada onun həyatını xilas etmək mümkün olmayıb.