Yaşar Vahabzadə: Çempionatla bağlı məşqlərə gec başladıq

“Kəpəz” paytaxtda 10-günlük təlim-məşqi başa vuraraq Gəncəyə dönüb. Allsport.az saytı xəbər verir ki, komandanın baş məşqçisi Yaşar Vahabzadə hazırlıqla bağlı bunu deyib: 

“Bakı toplanışını yaxşı dəyərləndirirəm. Vaxtın az olmasına baxmayaraq, uşaqlar çalışırdılar ki, verilən tapşırıqları lazımı qaydada yerinə yetirsinlər. Gündə iki məşq etdik. Qısa vaxtda 2 yoxlama oyunu keçirdik. Çempionatla bağlı məşqlərə gec başladıq. Hər şey normaldır.

Nəyin alınıb-alınmadığını oyunlar göstərəcək. Oyunçular deyilənləri layiqincə icra etməyə səy göstərirlər, çalışqanlıqlarına söz ola bilməz. Komandaya yeni futbolçular cəlb etmişik. Onlar boşluqları doldurmalıdılar.

Yoldaşlıq görüşlərində pis təsir bağışlamalıdılar. Düzdür, hazırlıqları hələ ki, o səviyyədə deyil. Kollektivə gec qoşulublar. Müəyyən vaxt lazımdır. Fiziki cəhətdən artırmalıdılar. Yavaş-yavaş bunu da aradan qaldırmağa çalışacağıq”.